معاق برس حقوق لا عطايا
مقالات مشابهة
كشف الفنان محمد على رزق عن أسباب فقدانه 50 كيلو من وزنه وقال أن الأسباب الصحية ليست من بينها.
وعن أسباب فقدانه ل50 كيلو من وزنه قال خلال لقاء له مع الإعلامي عمرو خليل في برنامج “من مصر” “انا اتقالي كتير اوعى تخس علشان هتخسر ومش هتشتغل وانت بقيت كاركتر ولو خسيت مش هتشتغل، بس أنا بصيت للموضوع بشكل تاني”
وتابع “أنا مخستش علشان مش حابب شكلي ولا علشان أسباب صحية أنا بصيت لمستقبلي في المهنة يعني لو عايز اعمل دور ظابط مثلا، والمشكلة مش عندي لكن في ادوار الشكل هيحكمك وفي ادوار المخرجين مش هيشوفوك غير في اللي أنت عملته”
وأضاف “أنا مكنش عندي مشكلة وانا تخين اعمل دور واحد شرير لأن التخن ملوش علاقة بالطيبة والشر لكن للأسف المخرجين اللي بيجازفوا قليلين اوي فانا قررت اخس لاني زهقت أنا بقيت بعمل نفس الأدوار مع اختلاف بسيط وانا شايف اني لو فضلت في دايرة واحدة هموت فنيا وانا شايف أن امكانياتي اكتر من شكلي فكان لازم اخس علشان اظهرها وكنت مراهن على دة”
وعن وزنه حاليا قال “أنا كنت 150 كيلو وبقيت 100 دلوقتي”
والجدير بالذكر أن محمد علي رزق شارك في الموسم الرمضاني الماضي في مسلسل “كشف مستعجل”مع نخبة من النجوم أبرزهم :-مصطفي خاطر ،محمد عبد الرحمن ،هنادي مهني وغيرهم من نخبة الفن.