معاق برس حقوق لا عطايا
مقالات مشابهة
شهد الرئيس عبد الفتاح السيسي، افتتاح مشروع محطة بنبان للطاقة الشمسية بمحافظة أسوان، إلى جانب عدد من المشروعات القومية في مجال الكهرباء بمحافظات صعيد مصر.
وأشار الرئيس السيسي، خلال كلمته، منذ قليل، خلال تفقده مجمع بنبان للطاقة الشمسية بمحافظة أسوان، وافتتاحه عددا من المشروعات التابعة لقطاع الكهرباء بمحافظات الصعيد، إلى أزمة الكهرباء، التي عانت منها مصر طوال الفترة الماضية، قائلًا: المصانع لو قفلت؛ الناس هتمشي.. والناس هتبقي بره.. والبلد دي هتتهد، وكان لا بد من حل المشكلة في أسرع وقت ممكن.. وخطة وزير الكهرباء العاجلة كلفت الدولة 2 مليار جنيه.. كنا ممكن مانتكلفهمش؛ لو مشينا بالمسار الطبيعي دون الخطة العاجلة.. بس مافتكرش إننا كنا هنستحمل سنتين بالصورة اللي ماشيين بيها.
وتسال الرئيس: اللي بنعمله ده ومستهدفينه، بنحصله ولا لأ؟، لو بنحصله؛ يبقي ناجحين، ولو مش بنحصله؛ هيبقي فيه عجز هتتحمله الدولة، والدولة لن تستطيع التحمل؛ لأن أعباء تلك المشروعات ضخمة.
وأضاف الرئيس السيسي: إحنا كنا شايفين إن الأمن القومي في مصر ممكن يتأثر جدا بالحتة دي، ثم اشتغلنا عشان نكون دولة ذات شأن وننمي أنفسنا وندي فرصة للقطاع الخاص والاستثمارات والصناعة إنها تنمو وتستقر، لأنه لو مفيش كهرباء؛ الناس مش هتشتغل، وتتقفل المصانع.
في السياق ذاته، صرح السفير بسام راضي، المتحدث الرسمي باسم رئاسة الجمهورية، بأن مجمع بنبان للطاقة الشمسية، هو أضخم محطة لتوليد الكهرباء من الطاقة الشمسية على مستوى العالم، والذي تم إنشاؤه بالشراكة مع القطاع الخاص والخبرات الدولية المتخصصة، ويُعد أحد أهم مشاريع البنية التحتية في مصر لتوليد الكهرباء من الطاقة الجديدة والمتجددة.
وافتتح رئيس الجمهورية، اليوم، 5 مشروعات قومية واستراتيجية بقطاع الكهرباء والطاقة المتجددة بمحافظات صعيد مصر، في مقدمتها مشروع مجمع بنبان للطاقة الشمسية أكبر مجمع محطات، لتوليد الكهرباء النظيفة في الشرق الأوسط.